海外留學 (一)

隨著時代改變, 海外留學由二十年前既罕見, 到十年前既常見, 到而家似乎你無任何留學經驗先係罕見. 就算係Summer programme都一定要出一出國, 如果唔係第時見工會輸人地幾皮.

我留學英國已經係十年前既事, 當時係屋企同輩中比較早出國既, 多謝媽咪當時既支持, 其實而家睇番轉頭, 媽咪真係好有遠見, 十年前就話「第時留學生周街都係」, 令我有動力同勇氣去留學.

留過學既人就知道, 有好多野你都希望有人提早同你講, 以下有幾點, 希望可以幫到你去準備你下個留學旅程:

1 - 執行李- 我當時覺得要慳到盡, 帶齊兩年內有機會用到既野, 結果就係帶得太多, 其實行李呢, 同你執一兩個星期旅行差唔多. 你無可能留學其間日日唔同衫, 而且香港買既衫可能唔適合外國既天氣, 合適既衣物喺當地通常會平過你喺香港買. 帶一件萬能厚褸, 一件風褸, 絕對會比你想像中有用.

2 - 醫療系統, 香港既醫療系統同外國好唔同, 外國通常有醫保, 英國有NHS, 去外國之前要留意你喺香港既醫保包國際既咩野, 又唔包咩野, 學校通常會安排你去註冊當地既基本醫療服務, 你要知道包括咩野. 當你搵地方住既時候, 要知道診所同醫院既位置, 可能用唔著, 但到你要用先去查就太遲啦. 好多時候唔係下下都999, 112, 有好多non-emergency 電話都好有用. 始終人在海外, 安全健康最重要.

3 - 講到醫療, 就要講下藥物. 你有個人需要定期服用既, 我唔講你都一定會執, 最緊要睇下你要會既藥喺外國認唔認可, 入境要唔要出示文件, 仲有真係唔小心唔見左, 可以去咩地方買, 一般PHARMACY 定要去診所. 重有! 歐洲好多地方都唔會有傷風感冒藥, 佢地覺得你傷風就飲水休息, 有痛就食止痛藥, 所以你要有心理準備, 真係想既, 可以帶定成藥

4 - 安全, 搵學校同搵地方住既時候, 一定要睇清楚安全性! 當地既WEBSITE同學校WEBSITE唔一定有用, 要去FACEBOOK 搵下PAGE, 問下當地既真實情況, 好多時候當地既real estate website 會有分析. 如果想一個人自己出去住, 要做足安全. 如果情況許可, 見到和善既鄰居, 要做好關係, 「遠親不如近鄰」! 但當然啦, 前提係你亦要小心鄰居係咩人, 如果租係地方要住成年, 鄰居質素好重要

今次講住咁多先, 下次我再講下住宿, 飲食, 交通等等~